– Me gler oss til å visa fram kva me driv med, seier Hedda Opdahl Viga hjå Tytlandsvik Aqua.
→ Påmelding til open dag hjå Tytlandsvik Aqua
Tytlandsvik Aqua driv landbasert oppdrett av postsmolt (stor smolt), og den første fisken blei sett inn i 2019.
Den lokale bedrifta har bygd seg opp over seks år, og har i dag 30 tilsette. Frå anlegget i Tytlandsvik leverer dei over 6,3 millionar postsmolt kvart år.
Tradisjonelt blei smolten sett ut i sjøen då den var 60–120 gram, men hjå Tytlandsvik Aqua veks smolten til 1,2 kg før den blir sett i sjøen.
– Me har fisken lengre på land, og dermed har me betre kontroll på miljøet som fisken veks opp i, forklarer Viga.
Når smolten treng kortare tid i sjøen, fører det til redusert dødelegheit og mindre behov for behandling mot lakselus.
Bremnes Seashore AS, Grieg Seafood Rogaland AS og Vest Havbruk AS eig ⅓ kvar av Tytlandsvik Aqua AS.
Under open dag i neste veke blir det høve til å sjå produksjonshallane og høyra meir om planane vidare.
– Dette er ei flott moglegheit for folk i Hjelmeland til å læra meir om korleis me arbeider for å ta vare på både fisken og miljøet, seier Hedda Opdal Viga.
