Epleriet

I enden av den største frukthagen til Helgøybakkane Fruktgard, med panoramautsikt over Fisterfjorden, ligg det nye selskapslokalet Epleriet.

Epleriet er eit moderne selskapslokale med eige kjøkken, der me tek imot grupper etter avtale. Det kan vera ein dag som skal feirast, ein tur med storfamilien eller noko heilt anna. Du kjem deg hit med eigen båt, rutebåt eller taxibåten til Helgøy Skyssbåt. Frå våren 2022 kan du òg koma hit med eigen bil, over den nye brua.

I Epleriet har me òg gardsutsal, der du finn frukta som til ei kvar tid er moden, naboen si herlege eplesaft, heimestrikk, syltetøy, hermetisert frukt, tørka eple og andre kreativitetar.