I Viglesdalen, i Årdalsheia, finn du langstrekte, flate bøar. Her var det i eldre tider heile to gardsbruk, men i dag er det hyttetilbodet til Stavanger Turistforening som dreg flest folk til den fråflytta dalen.

Dei fleste går til Viglesdalen frå  parkeringsplassen på Nes i Årdal, og turen tar om lag to timar på den gamle driftarvegen som blei bygd av svenske anleggsfolk i tida 1907-1912, og var fylkesveg til ein gong på 1980-talet.

Viglesdalen eignar seg godt for skuleklassar, og området er familievennleg, med mange gode bade- og fiskemoglegheiter.