Jodekongen og Jodejuvet Godkjent oppføring

I heia rett aust for garden Leidå i Årdal, finn du eit svært juv, og midt i juvet bur sjølvaste Jodekongen.

Jodejuvet er djupt, med bratte berg langs sidene, så her må du vera veldig varsam.

Nede i juvet bur sjølvaste Jodekongen. Han var ein stor og staseleg trollkonge, som ofte blei invitert rundt til dei andre trolla. Ein gong då han skulle heim frå eit festleg lag i Trodla-Tysdal, brukte han litt for lang tid, for akkurat då han skulle smetta inn i Jodejuvet, rann sola og han blei til stein.

Det er lettast å koma hit frå Songesandvegen. Parker i nærleiken av Livastølmyrane, og følg merka tursti frå dei to uthusa på venstre side av vegen.