KJØTPRODUKSJON: Silje Sværen er éin av to bønder i merkevaresamarbeidet Buhagen på Skiftun. (Foto: Morten Hetland)

Nisjeprodukt frå Jøsneset

Morten Hetland

Morten Hetland

I haust blir det slakta 100 villsaulam og 14 jersey-kalvar frå garden til Silje Sværen på Jøsneset. På nabogarden tappar Jostein Hjorteland 7.000 liter eplemost kvart år.
KJØT: Silje Sværen står bak kjøtproduksjonen til Buhagen. (Foto: Morten Hetland)

Kjøtet frå garden til Øyvind Oaland og Silje Sværen blir selt som merkevara Buhagen. Buhagen er òg namnet på eplemosten som Jostein og Berit S. Hjorteland tappar på nabogarden.

– Me har eigentleg ein relativt liten mjølkekvote, og måtte difor spe på med noko anna. Det er ingenting i landbruket som blir til gull, så her må me skrapa saman det me kan, fortel Silje Sværen.

Dette var grunnen til at ho og mannen bygde opp eit produksjonslokale og starta opp Buhagen saman med naboane Jostein og Berit S. Hjorteland.

På produktlista til Buhagen finn ein mellom anna pinnakjøt, fenalår, fårikålkjøt og lammesteik av villsau, samt indrefilet, ytrefilet, entrecote, mørbrad og flatbiff av jersey-kalvar. Dessutan blir det tappa frisk og fyldig eplemost på flasker og kartong.

EPLEMOST: Jostein Hjorteland tappar Buhagen Eplemost på garden sin på Skiftun. (Foto: Morten Hetland)

– I vår produksjon blir det ofte små volum av mange produkt. Eg trur ikkje me greier å konkurrera med dei store leverandørane, men det er heller ikkje noko mål. Dette gjer me mest for å behalda litt av verdiskapinga sjølv,fortel dei.

– God mat er heldigvis i vinden for tida. Me har våre trufaste kundar, og mange av dei handlar av oss meir som privatpersonar enn næringsdrivande. Då bør produkta absolutt vera bra, konkluderer Silje og Jostein.

Del:

Share on facebook
Facebook
Share on twitter
Twitter
Share on email
E-post
Share on print
Print
  • Ingen kommentarar.
  • Skriv ein kommentar
    MAGASIN

    Andre artiklar:

    Samferdsel

    Att og fram i 50 år

    MF «Jøsenfjord-ferjen» var det siste som mangla for å kunna opna Ryfylkevegen mellom Sandnes og Sand i 1965. I 50 år har ferjene skyssa bilar og passasjerar trygt over fjorden.

    Les meir »
    Samferdsel

    Vegarbeidar i medgang og motgang

    Kjell Johan Vigane (60) har arbeidd på og langs vegane i Ryfylke i snart
    40 år. I medgang og motgang har han gjort sitt beste for å sikra trafikantane trygge og kjørbare vegar.

    Les meir »
    Fritid

    Vil bli trener på heltid

    En ferietur til Norge resulterte i fulltidsjobb hos Sterling White Halibut og trenerverv i Hjelmeland Idrettslag. Nå har Marcin Wodka (31) ambisjoner om å bli fotballtrener på heltid.

    Les meir »
    Kultur

    Opnar kunstgalleri

    Hanne Sundbø har valt å satsa på kulturbasert næring heime på garden Hagalid. I juni opnar ho døra til Galleri Eldhuset. – Eg håpar huset kan kle moderne kunst, seier Sundbø.

    Les meir »